Акушер

Акушер – бұл әйел адамдарға жүктілік және босану кезінде көмек көрсететін маман. Осы мамандық бойынша мамандардың екі типін бөлуге болады: жай акушер және түрлі міндеттер мен мүмкіндіктер спектрі бар акушер-гинеколог. Акушер пациенттерге моральді тұрғыда қолдау көрсетеді және жаңа туған нәрестелерді қабылдап алады.

Қызмет саласы:

Акушер әйел адамның жүктілігі басталғаннан баланы дүниеге әкелгеніне дейін қадағалайды, осы ұзақ уақыт бойы болашақ ана мен нәрестенің жай-күйін бақылайды. Жүктіліктің барлық кезеңінде әйелді тексереді, оның тәлімгері болады, ол босану кезеңін жеңілдету үшін өз бақылауындағы әйелді толық зерттеп қарауы керек. Асқынусыз өтетін босануды қабылдайды, жас босанған әйелге инъекция жасайды, күрделі емес гинекологиялық операцияларға қатыса алады. Акушер сонымен қатар бір жасқа дейінгі балалардың дамуын бақылайды.

Орта есеппен алғанда жас маман жалақысы 100-120 мың теңгені құрайды.

Осы біліктілік бойынша ойдағыдай білім алу үшін және одан әрі жұмыс істеу үшін студент биология, химия негіздерін білуі қажет.

Акушердің бойында жанашырлық таныту, тыңдай алу, ықыластылық, мейірімділік сияқты қасиеттердің болуы маңызды. Ширақтық, ұқыптылық, жауапкершілік, күтпеген жағдайларда тез және тиімді шешім қабылдау қабілеті кәсіби тұрғыда маңызды болып саналады.

Жоғары деңгейдегі маман болу үшін 3 жыл қажет.

Жас маман қиындықтарға тап болуы мүмкін, себебі бұл мамандық үлкен жанқиярлықты, үнемі өз бетімен оқуды, шыдамдылықты, күштік төзімділікті, адамдармен қарым-қатынас орната алуды, ең бастысы – батылдық пен табандылықты қажет етеді. Аллергиялық немесе созылмалы аурулармен байланысты медициналық қарсы көрсетілімдер бар.

Осы мамандықтың артықшылығы – акушердің қамқорлығы үшін тәнті болу, құрмет пен бақытқа бөлеу – әйел мен оның болашақ ұрпағының денсаулығы.

Акушерлер перзентханаларда, ауруханалар мен клиникалардың перзентхана бөлімшелерінде, әйелдер консультацияларында, отбасын жоспарлау орталықтарында жұмыс істей алады. Әсіресе бұдан әрі оқуына, жалақысы мен мансабының өсуіне мүмкіндік беретін жеке мекемелерде жұмыс істеу беделді.

Акушер мамандығы әрдайым сұранысқа ие болады, өйткені ол өмірдегі басты сәттің бірі – адамның дүниеге келуімен тікелей байланысты.